VÍA CRUCIS con máis de catorce estacións

Ola compañeir@s:
Estou aquí para facer unha sesión de exercicios espirituais( unha reflexión vaia) sobre o GT que acabamos de "deixar".
Como ben tod@s sabedes, no último proxecto pasei un Calvario. En vez de cargar coa bolsa dos pendrives( porque a miña espalda non estaba para soportar pesos)...  carguei coa cruz; cada un carga coas súas.
Sería por tratar o tema da Semana Santa? Igual sí, igual non.
" Xa tiña de ser así " ( Mª Luz: isto vai para ti polo comentario que fixemos in situ; Silvia: non falamos do cenáculo senón da sala de informática, jjjjj)
Pero non ía ser doutro xeito, despois da tristeza e sufrimento ( paixón!!! Silvia) chegou a resurrección, a luz, o froito dese traballo.

Foi unha entrega en corpo e alma. Carlos estaba aí, ao pé da cruz, como o apóstolo  Xoán e tamén Rosa como María; vivindo o meu padecer.

Do mesmo xeito que Xesús non nos deixou, tampouco nós "deixemos" de loitar e sacrificarnos polo ben dos demais. Que se diga: " Pasaron polo mundo facendo o ben", ben sexa no CEIP  Mestre Valverde Mayo ou noutros centros.
Moitos bicos e aloumiños.

PD. Igual me pasei con  tanta referencia bíblica. Repasade profes, "é cultura".

Despídome co meu gran pendrive:  
FACEDE  COPIAS!!

*As imaxes en jpg, non digades nada.*

Aportarei eu tamén...

Bos días a todas e a Carlos :):):)
Teño que admitir, que o GT resúltame moi, moi cómodo á hora de traballar e elaborar os contidos que me interesan.Así era como o imaxinaba.Ambiente concentrado (a maioría das veces, que hai algunha cotorra que outra, e é incrible que o diga eu co pouco que falo...!), ter a Carlos aí en caso de emerxencia (que é un puntazo, aínda que o coitado é interrompido constantemente nas súas tarefas), e ter tempo para pensar, elaborar e sentirse orgullosas.Sí, síntome moi orgullosa do acadado por min e non é que sexa gran cousa, pero tendo en conta como nos levamos a informática e esta menda, estou eufórica e febril pensando en máis traballos por elaborar.
Sempre é productivo estar nun grupo con bo clima e ter un coordinador polivalente.
Grazas!!!

AS MIÑAS DÚBIDAS EXISTENCIAIS ANTE O GRUPO DE TRABALLO

Facía tempo que non escribía no blog, estou diante do computador e non se que pór. ¿Será medo a non estar á altura dos meus compañeiros ou pánico a meter a pata?. Rosa ¡ánimo, a vida son dous día! Ouzo a voz dun duendecillo cun lixeiro sorriso de ironía na miña cabeza hai que valorar o que aprendo neste grupo. Os meus compañeiros os mellores. Bego ¡¡¡grazas!!!.

Esta semana terminamos o tempo de preparación do proxecto. O noso está focalizado na biblia.

Agora toca que os niñs desenvolvan os exercicios sobre este tema.

A inseguridade apodérase de min igual que as lapas ás rocas nun día de tormenta e penso reláxache que non pasa nada, ¡¡¡ou si!!!

Rosa.

Despois da tormenta...

     Pois iso foi o que pensei o pasado xoves cando de madrugada espertei coa tormenta e... entre volta e volta pensei: eu gardei o que fixen esta tarde?, non me lembro de que exportara e publicara!!!
SOCORRO!!! Non o fixera, e claro, a repetir.
     Despois dunha fin de semana traballando e adiantando cousas (moita choiva e frio axudaron para estar en casa) o luns chego o cole e alguén que me escoita falar con una compañera coa que vou traballar o meu proxecto dime  que en galego dise DINOSAURO e non DINOSAURIO. Imaxinade a cara que me queda pensando en todas as veces que aparece a palabra dinosaurio nos meus traballos. SOCORRO outra vez!!! Volta a repetir e correxir os traballos!.
     Está claro que o meu problema non e facer as actividades e traballar cos programas porque xa os vou entendendo ( con algunas dificultades)e porque non,  dicir que me gusta cada vez máis traballar con eles (quen mo ia dicir a min que casi nin sabía mandar un e-mail).
 O meu problema está nestas tonterías como a de pechar o programa sen máis, ou non comprobar o vocabulario, ( se o fixera en inglés).
     Hoxe xa esta todo máis ou menos rematado e volvo a frase coa que empecei,

                      DESPOIS DA TORMENTA SEMPRE CHEGA A CALMA!

Ou na versión máis moderna, mantén a calma e usa o teu cerebro!

Arribaaaa que toca ir ao cole....!

                                        

                     

Que rápido pasa o tempo... todo o bo remata e, como xa estamos de volta, hai que seguir funcionando neste grupo de traballo tan ameno!

Recoñezo que cando ás 07: 50h. soou o espertador pensei: "Mi madriña que pereza e ... aínda por riba ... ata ás 19 h. no cole.¡Apuffffffffffffffffffffffffffffffffffffff!".

A verdade que non foi tan duro como pensaba ("jajaja"). Aproveitamos moi ben a tarde: repartímonos para as nosas creacións e cada un ao seu(deixando claro que formamos un gran equipo e axudámonos moito). Ao principio, atranqueime un pouco pero, logo, xurdíromme unha morea de  ideas e fixen un pequeno guión do que quero traballar e conseguir cos meus alumnos. ¡E xa a polo en marcha utilizando moitos recursos: LIM, XOGAMOS, ARDORA....! ¡ Canto aprendemos! 

¡Moi ben compañeiros! ¡A seguir así de aplicados!

TALENTOS MUSICAIS

Despois da 3ª sesión, xa non queda máis que por mans o traballo e ir ideando as futuras creacións.

Menos mal que temos o Nadal!

Porque, sen dúbida, unha das tarefas que máis tempo conleva é facerse co material, que por outra banda ten que ser "creative commons".
Nova nisto, xa no curso pasado comezara a recopilación de imaxes, fotos e sons para poder compoñer os meus traballos. Pero quedoume pendente o tema da música, xa que o ser tan comercial, non me parecía doado atopar material CC de calidade...

...e sen embargo...

...no mundo existe moita xente con creatividade disposta a compartir.

Deixovos una mostra, atopada en ccmixter.org (entre moitas)

http://ccmixter.org/files/lazztunes07/11395


* nada que envidiar a Get Lucky :)
* moitas gracias a toda a xente que comparte o seu talento!!

PRIMEIROS PASOS

Tal e como di Celia, o GT vai xa pola súa segunda sesión. Pois ben, neste ambiente que ela describe xa tivemos coñecemento das novas aplicacións que nos servirán para elaborar contidos educativos, Mapa interactivo, Brincaletras e Xogamos.

Nestas primeiras prácticas con estas aplicacións, observamos como nuns poucos pasos, podemos elaborar actividades sinxelas dirixidas ao alumnado de diferentes idades.

Coas diversas opcións que nos ofrecen, ábrese un novo abano de posibilidades que se engaden ás que xa tiñamos coas aplicacións traballadas en cursos anteriores (Lim, Ardora, Gimp,...). O Mapa interactivo permítenos elaborar actividades partindo dunha imaxe e co Brincaletras é posible empregar letras ou números que nos guiarán polas preguntas a resolver sobre un tema dado. No caso de Xogamos a creación dos exercicios é un pouco máis laboriosa, e aínda temos que coñecer algúns aspectos.

En conxunto, estas novas ferramentas, e tamén LIM, poden reunirse dentro da aplicación que coñecemos o curso pasado, ARDORA. Deste xeito, o proxecto adquire maior unidade e favorece a presentación das actividades ao alumnado. Empregando un símil, sería como un estoxo que inclúe os materiais que precisamos en cada momento ou, agora que estamos preto do Nadal, unha caixa de agasallos onde atopamos diferentes sorpresas.

Mª Jesús.